- वि.सं Invalid date format
प्रभु महालक्ष्मी लाइफ इन्स्योरेन्स लिमिटेडका प्रमुख कार्यकारी अधिकृत सन्तोष प्रसार्इं ‘भिजनरी लिडर इन लाइफ इन्स्योरेन्स अवार्ड’बाट सम्मानित भएका छन् ।
छैटौँ एसियन प्रोफेसनल एचिभमेन्ट अवार्डअन्तर्गत भिजनरी लिडर इन लाइफ इन्स्योरेन्स अवार्डबाट उनी सम्मानित भएका हुन् ।
सोमबार एक कार्यक्रमबिच प्रमुख अतिथि पूर्वप्रधानमन्त्री पुष्पकमल दाहाल ‘प्रचण्ड’ले प्रभु महालक्ष्मी लाइफ इन्स्योरेन्सका सिइओ प्रसार्इंलाई भिजनरी लिडर इन लाइफ इन्स्योरेन्स अवार्डबाट सम्मानित गरेका छन् ।
एसियन प्रोफेसनल एचिभमेन्ट अवार्डअन्तर्गत विभिन्न पेसा–व्यवसायमा अब्बलता हासिल गरेका व्यक्तिलाई विविध विधामा सम्मान प्रदान गरिँदै आएको छ । नेपाललगायत एसियाका विभिन्न देशका आफ्नो पेसा–व्यवसायमा छुट्टै पहिचान बनाउन सफल व्यक्तिलाई सम्मान गरिएको थियो ।
बिमा क्षेत्रको नियमनकारी निकाय तत्कालीन बिमा समितिदेखि प्रभु महालक्ष्मी लाइफ इन्स्योरेन्सको नेतृत्वसम्म आइपुग्दा बिमा क्षेत्रमा उनले गरेको योगदानको कदरस्वरूप यो सम्मान गरिएको हो ।
सिइओ प्रसाईंको नेतृत्वमा आर्थिक वर्ष ०८१/८२ मा व्यवसाय वृद्धि गरी नेपाली बिमा बजारमा प्रभु महालक्ष्मी लाइफ इन्स्योरेन्सको दरिलो उपस्थिति रहन गएको छ ।
