आयोगमा कुन–कुन दल भए दर्ता ?

आगामी निर्वाचनमा सहभागी हुन विभिन्न पाँचवटा दलले आज निर्वाचन आयोगमा दल दर्ता गराएका छन् । आगामी ४ मंसिरमा हुने प्रतिनिधिसभा र प्रदेश सभा निर्वाचनमा सहभागी हुन निर्वाचन आयोगले आजबाट दल दर्ता सुरु गरेको हो । 
आयोगका प्रवक्ता शालिग्राम शर्मा पौड्यालले पहिलो दिन विभिन्न पाँचवटा दल दर्ता भएको जानकारी दिए  । उनका अनुसार पहिलो नम्बरमा जनमत पार्टी दर्ता भएको छ । यो सिके राउत नेतृत्वको दल हो । आजै दोस्रो नम्बरमा मौलिक जरोकिलो पार्टी, तेस्रोमा नेपाल समावेशी पार्टी, चौथोमा हाम्रो नेपाली पार्टी र पाँचौँमा पुनर्जागरण पार्टी दर्ता भएको छ ।