रुसी राष्ट्रपति भ्लादिमिर पुटिनले पश्चिमी मुलुकले रुसी जहाज कब्जा गरे आफूहरूले प्रतिशोधात्मक कदम चाल्ने चेतावनी दिएका छन् । प्रशान्त महासागरमा रुसी नौसेनाको अभ्यासको अन्तिम चरणका क्रममा बोल्ने क्रममा पुटिनले त्यस्तो चेतावनी दिएका हुन् ।
केही देशका अधिकारीले अन्तर्राष्ट्रिय समुद्री कानुन उल्लंघन रुसी जहाज तथा अन्य शान्तिपूर्ण पानीजहाजको आवागमनमा अवरोध सिर्जना गर्न खोजेको उनले बताएका थिए । ‘यदि उनीहरूले हाम्रा जहाज कब्जा गरे भने हामी पनि त्यस्तै गर्नेछौँ,’ पुटिनले भने ।
पुटिनको टिप्पणी युरोपेली नौसैनिक फौजले रुसी ‘छाया फ्लिट’अन्तर्गतका भनिएका जहाजमाथि निगरानी, अवरोध र निरीक्षण बढाएका वेला आएको छ । भूमध्यसागरमा इटालीको नेतृत्वमा युरोपेली संघ (इयू)ले सञ्चालन गरेका गतिविधि पनि यसमा समावेश छन् । जुलाईको अन्त्यमा इयूले थप ४१ वटा ‘छाया फ्लिट’ जहाजलाई बन्दरगाहमा प्रवेश गर्न प्रतिबन्ध लगाएको थियो ।
