प्रधानमन्त्री कार्यालयले माग्यो सबै मन्त्रालयको सवारीसाधन विवरण

प्रधानमन्त्री तथा मन्त्रिपरिषद्को कार्यालयले सबै मन्त्रालय र अन्तर्गतका विभाग र कार्यालयहरूको सवारीसाधनको विवरण मागेको छ।

बुधबार प्रधानमन्त्री कार्यालयका शाखा अधिकृत आनन्दराम श्रेष्ठले सबै मन्त्रालयहरूलाई पत्र पठाउँदै भोलि बिहीबार कार्यालय समयभित्रै विवरण उपलब्ध गराउन आग्रह गरेका हुन्। प्रधानमन्त्री कार्यालयले प्रयोगकर्ताको नाम र पदसहित तोकिएको ढाँचामा विवरण उपलब्ध गराउन भनिएको छ।