लियोनल मेसी आबद्ध इन्टर मियामी दुई गोलको अग्रता रक्षा गर्न नसक्दा क्लब फिफा विश्वकप फुटबल प्रतियोगितामा ब्राजिलियन टोली पाल्मिरससँग २–२ को बराबरीमा रोकिएको छ ।
मियामीले अन्तिम समयमा रक्षात्मक खेल खेल्यो । पाल्मिरसले मियामीको रक्षात्मक रणनीतिको फाइदा लिँदै बराबरी गोल फर्कायो । पाल्मिरसले खेलको ८०औँ र ८७औँ मिनेटमा गोल गरी इन्टर मियामीलाई बराबरीमा रोकेको हो ।
बराबरीसँगै समूह ‘ए’मा तीन खेलबाट ५ अंक जोड्दै इन्टर मियामी र पाल्मिरस प्रिक्वार्टरफाइनलमा पुगेका छन् । गोलअन्तरका आधारमा पाल्मिरस समूह विजेता बन्यो । इन्टर मियामीले फ्रेन्च क्लब पेरिस सेन्ट जर्मन (पिएसजी)को सामना गर्नेछ । पाल्मिरस ब्राजिलकै बोटाफोगोसँग भिड्नेछ ।
See More On
