आरिफ र सोमपालबीच अर्धशतकीय साझेदारी

पाकिस्तानले दिएको तीन सय ४३ रनको लक्ष्य पछ्याएको नेपाल ब्याटिङमा संघर्ष गरिरहेको छ। 

सुरुवाती दुई ओभरभित्रै तीन विकेट गुमाएपछि दबाबमा परेको नेपाली इनिङलाई अहिले आरिफ सेख र सोमपाल कामीले सम्हाल्ने प्रयास गरिरहेका छन्। 

यी दुईबीच अर्धशतकीय साझेदारी बनेको छ। यी दुईले ६० बलमा ५० रनको साझेदारी गरेका हुन्।

आरिफ ३१ बलमा २४ र सोमपाल ३५ बलमा २३ रन बनाएर खेलिरहेका छन्। आरिफले पाँच चौका र सोमपालले तीन चौका प्रहार गरिसकेका छन्।