नेपाल उद्योग वाणिज्य महासंघको वरिष्ठ उपाध्यक्षका लागि दोस्रो चरणको मतदान हुने भएको छ। महासंघको वरिष्ठ उपाध्यक्ष हुन ५० प्रतिशतभन्दा बढी मत लिनुपर्ने हुन्छ । तर, त्यसअनुसार कसैको पनि मत नआएपछि दोस्रो चरणमा मतदान गर्न लागिएको हो । निर्वाचन समितिका अनुसार दोस्रो चरणको मतदान आज नै गरिनेछ ।
महासंघको वरिष्ठ उपाध्यक्षका लागि अञ्जन श्रेष्ठ, रामचन्द्र संघाई र उमेशलाल श्रेष्ठ प्रतिस्पर्धामा थिए । त्यसमा अञ्जनले ३७.९९ प्रतिशत, उमेशले ३१.५१ प्रतिशत र संघाईले ३०.४६ प्रतिशत मत प्राप्त गरेका छन् ।
सबैभन्दा कम मत प्राप्त भएको आधारमा संघाई प्रतिस्पर्धाबाट बाहिरिएका छन् । अब अञ्जन र उमेशलालबीच प्रतिस्पर्धा हुनेछ। दोस्रो चरणको चुनाव साढे ३ बजे हुनेछ ।
See More On
