- वि.सं २o८१ बैशाख ३१ सोमबार
नेकपा माओवादी केन्द्रका अध्यक्ष पुष्पकमल दाहाल प्रचण्डले प्रतिनिधिसभाको निर्वाचनमा गोरखा क्षेत्र नम्बर २ बाट उम्मेदवारी दिने घोषणा गरेका छन्। यसअघि ०७४ सालको निर्वाचनमा चितवन क्षेत्र नम्बर ३ बाट विजयी भएका प्रचण्डले यसपटक भने गोर्खा रोजेका हुन्।
प्रचण्डको यस निर्णयलाई डा. बाबुराम भट्टराईले स्वागत गरेका छन् । उनले सामाजिक सञ्जालमार्फत भनेका छन्, ‘मैले प्रतिनिधित्व गर्दै आएको गोरखा- २ बाट यसपटक क. पुष्पकमल दाहाल प्रचण्ड प्रत्याशी बन्ने निर्णयको म अन्तरहृदयदेखि स्वागत गर्दछु। वर्तमान नेपाल राज्यको उदगमथलो लिगलिगकोटसमेत रहेको यस क्षेत्रबाट उहाँको उम्मेदवारी निकै ठूलो सांकेतिक महत्वको छ। उहाँको शानदार विजयको हार्दिक शुभकामना !’
