सत्तारुढ पार्टी नेपाली कांग्रेसका महामन्त्री गगन थापाले आफ्नो पार्टीका तल्ला तहले विधानको सीमामा बसेर उम्मेदवार सिफारिस नगरेको बताएका छन्। बुधबार काठमाडौंमा सञ्चारकर्मीसँग कुराकानी गर्दै महामन्त्री थापाले कांग्रेसको विधि-विधानअनुसार तल्लो तहले त्यसअनुसार नामहरू सिफारिस नभएको प्रस्ट पारे।
'हामीले नेपाली कांग्रेसको विधि-विधानअनुसार पार्टीको तल्लो तहलाई नामहरू सिफारिस गरेर पठाउनुस् भनेर पठायौँ, मलाई लाग्छ केही ठाउँबाहेक कहीँ पनि विधानको सीमामा बसेर उम्मेदवार सिफारिस भएका छैनन्,' थापाले भने, 'कहीँ बीसौँजनाको नाम सिफारिस भएको छ समानुपातिकमा, कहीँ दर्जनौँ भएको छ।'