- वि.सं २o८१ बैशाख ३० आइतबार
पोखराबाट जोमसोमका लागि उडेको समिट एयरको जहाजको इन्जिनमा खराबी आएपछि पोखरामै आपतकालीन अवतरण गरिएको छ। आइतबार बिहान ७ः५९ बजे पोखरा विमानस्थलबाट उडेको सात मिनेटमा सो जहाज आपतकालीन अवतरण गरिएको पोखरा विमानस्थलका सूचना अधिकारी देवराज सुवेदीले जानकारी दिए।
जहाजमा चालक दलका सदस्यसहित १८ यात्रु सवार थिए। जहाजको इन्जिनमा एक्कासि समस्या आएपछि पाइलटले दायाँ इन्जिन अफ गरी पोखराको आकाशमा एक फन्को लगाएर सफल अवतरण गरेका थिए। सुवेदीका अनुसार जहाजको इन्डिकेसनमा समस्या आएपछि आपतकालीन अवतरण गर्नुपरेको हो। प्राविधिक चेकजाँचपछि मात्र समस्या के हो भन्ने पत्ता लाग्ने उनले बताए।
