निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १९ बुधबार
  • Wednesday, 05 October, 2022
२०७९ भदौ ३ शुक्रबार ११:३४:००
Read Time : < 1 मिनेट
समाचार डिजिटल संस्करण

पहिरोले अवरुद्ध मालढुंगा–कुश्मिशेरा सडक एक महिनापछि सञ्चालनमा

Read Time : < 1 मिनेट
२०७९ भदौ ३ शुक्रबार ११:३४:००

पछिल्लो एक महिनादेखि पहिरोले अवरुद्ध बाग्लुङको मालढुंगा–कुश्मिशेरा सडकखण्ड सञ्चालनमा आएको छ। बाग्लुङ नगरपालिका– १० भकुण्डे दब्लाङमा गएको ठूलो पहिरोले रोकिएको सडक बिहीबारदेखि एकतर्फी रूपमा सञ्चालनमा आएको हो।

जिल्लाको दक्षिण जोड्ने पहिलो सडकको रूपमा रहेको यो सडक बर्खायाममा बर्सेनि अवरुद्ध हुने गरेको छ। बाग्लुङ नगरपालिका वडा नम्बर १, १२ तथा बलेवा क्षेत्रका स्थानीयको पहलमा सडक एकतर्फी सञ्चालनमा आएको बाग्लुङ– १२ का स्थानीय भीमबहादुर पाठकले बताए।

गत असारबाट बारम्बार अवरोध हुँदै आएको सडक साउनको पहिलो सातादेखि पूर्ण रूपमा ठप्प भएको थियो । सडक सुचारु गर्न बाग्लुङ नगरपालिकालाई आग्रह गरिए तापनि चासो नदेखाएपछि स्थानीयको सक्रियतामा सडक सुचारु गरिएको हो। करिब आठ घन्टामा झन्डै ३० हजार रुपैयाँ खर्च गरेर सडक सुचारु गरिएको पाठकको भनाइ छ।