निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज ११ मंगलबार
  • Tuesday, 27 September, 2022
फाइल तस्बिर ।
नयाँ पत्रिका काठमाडौं
२०७९ श्रावण ३० सोमबार २२:५६:००
Read Time : < 1 मिनेट
समाचार डिजिटल संस्करण

अमेरिकी सेना आइपुग्यो काठमाडौं

नेपाली सेनासँग संयुक्त तालिम गर्ने

Read Time : < 1 मिनेट
नयाँ पत्रिका, काठमाडौं
२०७९ श्रावण ३० सोमबार २२:५६:००

नेपाली सेना र अमेरिकी सेनाबीच एक्स ब्यालेन्स नेल नामक संयुक्त तालिम सञ्चालन हुने भएको छ । मंगलबारदेखि एक महिनासम्म चल्ने तालिममा सहभागी हुन अमेरिकी सेनाको टोली अमेरिकी जहाज लिएर सोमबार काठमाडौं आइपुगेको छ । 

०६० देखि नै दुई सेनाबीच सञ्चालन हुँदै आएको तालिमको यसपटक ३९औँ संस्करण आयोजना हुन लागेको सेनाले जनाएको छ । रक्षा मन्त्रालयको स्वीकृतिमा नेपाली सेनाको श्री सिंह महावीर योजना तथा समन्वय महाशाखाअन्तर्गत रहेका रेन्जर गण र अमेरिकी सेनाका टुकडीबीच तालिम हुन लागेको सैनिक जनसम्पर्क तथा सूचना निर्देशनालयले सोमबार विज्ञप्तिमा जनाएको छ । तालिम ३१ भदौसम्म चल्नेछ । 

तालिममा नेपाली सेनाबाट ८० जना तथा अमेरिकी सेनाबाट १६ जना रहनेछन् । संयुक्त तालिममा सशस्त्र द्वन्द्वका नियम, सैन्य निर्णय प्रक्रियालगायतका विषय समावेश हुनेछन् । छाउनी र नगरकोटमा तालिम सञ्चालन हुने सेनाले जनाएको छ । अमेरिकी सेनाको टुकडी क्याप्टेन ब्लेक डुकटेलको कमान्डमा सैन्य सामग्रीसहित सोमबार आइपुगेको छ ।