Skip This
प्रहरीले काठमाडाैं महानगरपालिका–१५, सानो भर्याङस्थित यातायात व्यवस्था कार्यालयमा सेवा लिन आएका सेवाग्राहीहरूलाई बिनाइजाजत सेवा लिने र दिने कार्यमा बाधा पुर्याई लाग्ने दस्तुरभन्दा बढी दस्तुर लिने छ बिचौलियालाई पक्राउ गरेको छ । सेवाग्राहीलाई अनावश्यक हैरानी दिनुका साथै अभद्र व्यवहार गरेको भन्ने सूचनाका आधारमा प्रहरी बृत्त स्वयम्भूबाट खटिएको टोलीले उनीहरूलाई पक्राउ गरेको हो ।
पक्राउ पर्नेहरूमा उदयपुरका २४ वर्षीय अजय मगर र ४० वर्षीय वीरबहादुर मगर, रौतहटका ३३ वर्षीय विश्ववल्लभ लामा र २४ वर्षीय सुवास योन्जन लामा, झापाका २४ वर्षीय विशाल उप्रेती र सर्लाहीका २४ वर्षीय बिमल पुलामी रहेका छन्।
पक्राउ परेका सबैलाई मुलुकी फौजदारी अपराध (संहिता) ऐन, २०७४ को दफा ११८ को अभद्र व्यवहार गर्न नहुने कसुरमा जिल्ला प्रशासन कार्यालय काठमाडौंमा सात दिनको म्याद थप गरी थप अनुसन्धान भइरहेको प्रहरीले जनाएको छ।
