निर्वाचन डिजिटल संस्करण

गुल्मीको धुर्कोटमा दोस्रो कार्यकालका लागि माओवादीका पोख्रेल विजयी

गुल्मीको धुर्कोट गाउँपालिका अध्यक्षमा भुपाल पोख्रेल दोस्रो कार्यकालका लागि विजयी भएका छन्। उपाध्यक्षमा सीता गिरी विजयी भएकी छिन्। एमाले–माओवादी गठबन्धनबाट माओवादीका पोख्रेल प्रमुख र एमालेबाट गिरी उपाध्यक्ष भएका हुन्। पोख्रेलले कांग्रेस–समाजवादी गठबन्धनको तर्फबाट कांग्रेसका महेन्द्रप्रसाद भण्डारीलाई एक हजार आठ सय २८ मतान्तरले पराजित गरेका छन्। पोख्रेलको छ हजार ८९ र भण्डारीको चार हजार दुई सय ६१ मत रहेको छ।

उपप्रमुखमा एमाले–माओवादी गठबन्धनबाट एमालेकी सीता गिरीले कांग्रेस–समाजवादी गठबन्धनबाट एकीकृत समाजवादीका चन्द्र सुनारलाई दुई हजार पाँच सय १३ मतान्तरले पराजित गरिन्। गिरीको छ हजार एक र सुनारको तीन हजार चार सय ८८ मत रहेको छ। 

त्यस्तै एमाले–माओवादी गठबन्धनबाट वडा नं १ मा चेतमान कुँवर, वडा नं २ मा बाबुराम खड्का, वडा नं ४ वीरबहादुर कुँवर जोगी, वडा नं ५ मा केशव भण्डारी, वडा नं ६ मा कृष्ण नेपाली र वडा नं ७ मा लिलप्रसाद खनाल विजयी भएका छन्। कांग्रेस–समाजवादी गठबन्धनबाट वडा नं ३ मा पदमबहादुर बिष्ट विजयी भएका छन्।