निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार १६ बिहीबार
  • Thursday, 30 June, 2022
२०७९ जेठ २ सोमबार १७:३४:००
Read Time : < 1 मिनेट
समाचार डिजिटल संस्करण

नुवाकोटको पञ्चकन्यामा आफ्ना कार्यकर्तामाथि भएको कुटपिटकाे घटनाप्रति कांग्रेसको ध्यानाकर्षण

Read Time : < 1 मिनेट
२०७९ जेठ २ सोमबार १७:३४:००

नुवाकोटको पञ्चकन्या गाउँपालिकामा मतगणनाका क्रममा आफ्ना नेता कार्यकर्तामाथि भएको कुटपिटको घटनाप्रति नेपाली कांग्रेसले ध्यानाकर्षण भएको जनाएको छ। सोमबार एक विज्ञप्ति जारी गर्दै कांग्रेसले घलेभञ्ज्याङस्थित मतगणनास्थलमा माओवादी केन्द्रका उम्मेदवार तेजबहादुर तामाङको नेतृत्वमा आफ्ना नेता तथा कार्यकर्ताहरूमाथि कुटपिट गरी गम्भीर घाइते बनाइएको कांग्रेसले जनाएको छ।

'नेकपा (माओवादी केन्द्र)का अध्यक्ष पदका उम्मेदवार एवं निवर्तमान गाउँपालिका अध्यक्ष तेजबहादुर तामाङ (रमेश)को नेतृत्वको समूहले नेपाली कांग्रेसका क्षेत्रीय सचिव जगदीश कुइँकेल, जगदीश फुँयाल, सुवर्ण तामाङ, राजन पाण्डे, सुजन थापा, सुशील थापा, निरज भण्डारी, विजय थापा, प्रभास सुवेदीलगायत दर्जनौँ कार्यकर्ताहरूमाथि कुटपिट गरी गम्भीर घाइते बनाएको घटनाप्रति नेपाली कांग्रेसको ध्याना आकृष्ट भएको छ,' विज्ञप्तिमा उल्लेख छ।

त्यस्ता गतिविधि नदोहोर्याउन चेतावनी दिँदै कांग्रेसले घाइतेहरूको उपचार र घटनामा संलग्नलाई कारबाही गर्न सरकारसँग माग गरेको छ।