एकीकृत नेपाल कम्युनिस्ट पार्टी (एनेकपा) ले अध्यक्ष गोपाल किराँतीलाई पार्टीबाट निष्कासन गरेको छ । एनेकपाको केन्द्रीय समिति बैठकले किराँतीलाई पार्टीबाट निष्कासन गरी आलोक रायमाझीलाई अध्यक्ष चयन गरेको विज्ञप्तिमा छ । किराँतीलाई कारबाही गर्दै ‘गद्दार’को संज्ञा दिइएको छ ।
तत्कालीन माओवादी केन्द्र र एमालेबीच एकीकरण भई नेकपा बनेपछि किराँतीले माओवादी केन्द्र ब्युँताएका थिए । तर, गत वर्ष सर्वोच्च अदालतले नेकपा एकता खारेज गर्दै पुरानै पार्टीहरू ब्युँताइदिएपछि किराँती पार्टीविहीन थिए । त्यसपछि उनले पार्टीको नयाँ नाम एकीकृत नेपाल कम्युनिस्ट पार्टी राखेका थिए ।