निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार १९ आइतबार
  • Sunday, 03 July, 2022
२०७८ माघ २३ आइतबार ०९:२६:००
Read Time : < 1 मिनेट
अर्थ डिजिटल संस्करण

बेमौसमी वर्षाले रौतहटमा करोडौँ मूल्यको इँटा र बालीमा क्षति

Read Time : < 1 मिनेट
२०७८ माघ २३ आइतबार ०९:२६:००

गत बुधबार रातिदेखि परेको पानीले रौतहटमा किसानले लगाएको मुसुरो र तोरी बाली तथा इँटामा क्षति पुर्‍याएको छ। लगातार दुई दिनसम्म परेको पानीका कारण जिल्लामा मुसुरो र तोरी लगाउने किसान मारमा परेका छन्।

चन्द्रपुर नगरपालिकाको कृषि शाखाका अनुसार नगर क्षेत्रमा किसानले करिब ६५ बिगाहमा मुसुरो र ४० बिघामा तोरी लगाएका छन्। दुवै बालीको उत्पादनमा वर्षाले असर गरेको छ। गत सालको भन्दा चन्द्रपुरमा तोरी र मुसुरो बालीको उत्पादनमा कमी आउने कृषि शाखा चन्द्रपुरका कर्मचारीको भनाइ छ।

यसैगरी वर्षाबाट करिब ४० करोड मूल्यबराबरको क्षति इँटा उद्योगमा भएको रौतहट इँटा उद्योग व्यवसायी संघका अध्यक्ष विनोद जयसवालको दाबी छ। उनका अनुसार १५ करोडको मात्र काँचो इँटा सखाप भएको छ। जिल्लामा एक सय ६२ इँटा उद्योग रहेका छन्।

इँटा उद्योगबाट सरकारले ठूलो मात्रामा कर असुल गरिरहेको भए पनि उद्योगको बिमा गर्ने प्रणाली विकास नगरेकाले इँटा उद्योगले बर्सेनि ठूलो क्षति व्यहोर्दै आएको उद्योगीहरू बताउँछन्। सामान्य वर्षाका पनि इँटामा दाग पर्न जाने र इँटाको मूल्य कम हुन जाने हुन्छ।