- वि.सं २o७८ मङ्सिर ९ बिहीबार
सर्वोच्च बार एसोसिएसनका अध्यक्ष पूर्णमान शाक्यले प्रधानन्यायाधीश चोलेन्द्रशमशेर जबराको राजीनामा माग गर्दै विगत एक महिनादेखिको आन्दोलन सफलता उन्मुख भएको बताएका छन्। बिहीबार सर्वोच्च अदालतदेखि बालुवाटारसम्मको मार्चपासपछि भएको कोणसभामा बोल्दै उनले यस्तो बताएका हुन्।
उनले भने, ‘अदालतको विसंगति हटाउन अब प्रधानन्यायाधीश जबराले सर्वोच्च फर्केर न्यायसम्पादन गर्ने अवस्थाको अन्त्य भएको छ। आन्दोलन सफलता उन्मुख छ। प्रधानन्यायाधीशको राजीनामापछि अझै न्यायिक शुद्धीकरणको आन्दोलन अगाडि बढ्छ।’
अध्यक्ष शाक्यले न्यायालयका विकृति, विसंगति हटाउन राजनीतिक दलहरू चुकेको भन्दै दलहरूप्रतिको आशा समाप्त भएमा जनता आफैँ जाग्ने पनि बताए।
