टर्निङ प्वाइन्ट्स-२०२२फ्रन्ट पेजमुख्य समाचारसमाचारदृष्टिकोणअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीयस्वास्थ्य र जीवनशैलीसाहित्य१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७८ माघ ३ सोमबार
  • Monday, 17 January, 2022
मोहन विष्ट कञ्चनपुर
२०७८ कार्तिक २८ आइतबार १६:५२:००
Read Time : < 1 मिनेट
समाचार डिजिटल संस्करण

कञ्चनपुरमा पनि सुरु भयो बारको आन्दोलन 

Read Time : < 1 मिनेट
मोहन विष्ट, कञ्चनपुर
२०७८ कार्तिक २८ आइतबार १६:५२:००

नेपाल बार एसोसिएसनले प्रधानन्यायाधीश चोलेन्द्रशमशेर जबराको विरुद्धमा गरेको आन्दोलन कञ्चनपुरमा पनि सुरु भएको छ। आइतबारदेखि कञ्चनपुरमा पनि बारले प्रधानन्यायाधीश जबराको विरुद्धमा आन्दोलन गरेको हो। कञ्चनपुरमा उच्च बार एसोसिएसनको आयोजनामा जिल्लामा कार्यरत कानुन व्यवसायीले उच्च अदालत दिपायल, महेन्द्रनगर इजलास र जिल्ला अदालतको मूलगेटमा एक घन्टा धर्ना दिएका छन्। उच्च बार एसोसिएसनका अध्यक्ष उद्धव भट्टले न्यायालयभित्रका बेथितिविरुद्धमा आन्दोलन गरिएको बताए। 

उनका अनुसार बिहान १० बजेदेखि ११ बजेसम्म एक घन्टा दुवै अदालतको मूलगेटमा धर्ना दिइएको छ। न्यायालयको आस्था र गरिमा बचाउनका लागि प्रधानन्यायाधीशको राजीनामाको विकल्प नभएको बताउँदै उनले राजीनामा नहुँदासम्म आन्दोलन जारी राख्ने बताए। ‘सर्वोच्चमा माननीय न्यायाधीश हरिकृष्ण कार्कीज्यूले पेस गरेको प्रतिवेदन कार्यान्वयन गर्न स्वयं प्रधानन्यायाधीश जबराज्यू तयार छैनन्,’ उनले भने, ‘न्यायालयको प्रमुख मान्छे नै भ्रष्टाचारमा आफैँ लिप्त छन्।’ 

उनले मुद्दा फैसला, पेसी तोक्ने विषयमा न्यायालयको सिद्धान्तविपरीत न्यायाधीशबाट भइसकेको कामकाजको विरुद्धमा आन्दोलन थालिएको बताए। न्यायालयभित्र रहेको विकृति–विसंगति हटाउँदै चुस्तदुरुस्त बनाउनका लागि आफूहरूले आन्दोलन गरेको उनको भनाइ छ। आन्दोलनका कारण कञ्चनपुरमासमेत अदालतको कामकाज प्रभावित बनेको छ।