- वि.सं २०८१ बैशाख ८ शनिबार
नेपाल बैंकर्स संघको अध्यक्षमा कृषि विकास बैंकका प्रमुख कार्यकारी अधिकृत अनिलकुमार उपाध्याय सर्वसम्मत भएका छन् । मंगलबार सम्पन्न संघको ३५औँ साधारणसभाले नयाँ कार्यसमितिसमेत चयन गरेको छ ।
संघको उपाध्यक्षमा एनएमबि बैंकका प्रमुख कार्यकारी अधिकृत सुनील केसी चयन भएका छन् । संघका सदस्यहरूमा लक्ष्मी बैंकका अजयकुमार साह, मेगा बैंककी अनुपमा खुञ्जेली, नेपाल बैंकका कृष्णबहादुर अधिकारी, नेपाल एसबिआई बैंकका दीपककुमार दे, सन्राइज बैंकका सुमन शर्मा, माछापुच्छ्रे बैंकका सन्तोष कोइराला र एनआइसी एसिया बैंकका रोशनकुमार न्यौपाने चयन भएका छन् ।
संघका पूर्वअध्यक्षहरू अनिलकेशरी शाह, अशोक राणा र ज्ञानेन्द्रप्रसाद ढुंगाना समितिमा सल्लाहकार छन् । कार्यक्रममा अर्थविद् तथा सिटिजन्स बैंकका अध्यक्ष डा. शंकरप्रसाद शर्मालाई समेत बैंकर संघले सम्मानित गरेको छ ।
