Read Time : < 1 मिनेट
२o८१ जेठ ३ बिहीबार १४:२७:oo
माल्दिभ्सबाट कोरोना भाइरसविरुद्धको एस्ट्राजेनिका खोप नेपाल आइपुगेको छ। माल्दिभ्स सरकारले नेपाललाई अनुदानमा उपलब्ध गराएको दुई लाख एक हजार ६ सय डाेज खोप गएराति काठमाडौं आइपुगेको हो।
स्वास्थ्य सेवा विभाग परिवार कल्याण महाशाखाका बाल स्वास्थ्य तथा खोप शाखा प्रमुख सागर दाहालका अनुसार ती खोपलाई अहिले टेकुस्थित विभागको खोप भण्डारण कक्षमा राखिएको छ। उनले खोप लगाउन बाँकीलाई उक्त खोप लगाइने बताए। नेपालमा अहिलेसम्म ८६ लाख ६८ हजार पाँच सय ९२ जनालाई पहिलो मात्रा र ७१ लाख ८९ हजार ६ सय ८९ जनालाई पूर्ण मात्राको खोप लगाइसकिएको छ।