Read Time : < 1 मिनेट
२०७८ असोज २९ शुक्रबार १३:५४:००
संयुक्त राष्ट्रसंघले भेनेजुएलामा हुन लागेको निर्वाचनका लागि विज्ञहरू पठाउने भएको छ । आगामी महिना हुन लागेको आमनिर्वाचनका लागि राष्ट्रसंघले विज्ञ पठाउन लागेको हो ।
सो निर्वाचनको प्रक्रियामा सहयोग गर्नका लागि निर्वाचन विज्ञहरूको टिम पठाउन लागिएको बताइएको छ । निर्वाचनको निष्पक्षता र थप सहजताका लागि संयुक्त राष्ट्रसंघले विज्ञ पठाउन लागेको राष्ट्रसंघका महासचिव एन्टोनियो गुटेर्रेसको प्रेस सचिवालयले जानकारी दिएको छ ।
सो निर्वाचनका लागि संयुक्त राष्ट्रसंघले प्राविधिक सहयोग पनि उपलब्ध गराएको छ । अन्य प्रक्रियागत सहायता गर्दै आएको राष्ट्रसंघले आगामी महिना हुने निर्वाचनका लागि निर्वाचन विज्ञहरू नै पठाउन लागेको हो । रासस