मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ कार्तिक २ मंगलबार
  • Tuesday, 19 October, 2021
रासस नयाँ दिल्ली
२०७८ असोज २५ सोमबार १५:१३:००
Read Time : < 1 मिनेट
विश्व डिजिटल संस्करण

भारतमा दैनिक संक्रमितको संख्या सात महिनायताकै कम

Read Time : < 1 मिनेट
रासस नयाँ दिल्ली
२०७८ असोज २५ सोमबार १५:१३:००

भारतमा कोरोना भाइरसबाट दैनिक संक्रमितहरूको संख्या सात महिनापछिकै सबैभन्दा कम देखिएको छ। सरकारी अधिकारीहरूले सोमबार दिएको जानकारीअनुसार भारतमा पछिल्लो एक दिनमा १८ हजार एक सय ३२ नयाँ संक्रमित थपिएका छन्। यो संख्या सात महिनाभन्दा बढीसमय पछिको सबैभन्दा कम हो।

यहाँको केन्द्रीय स्वास्थ्य मन्त्रालयले पछिल्लो २४ घन्टामा कोरोना भाइरसका कारण एक सय ९३ जनाको मृत्यु भएको जनाएको छ। योसँगै भारतमा कोरोना भाइरसका कारण अहिलेसम्म मृत्यु हुनेको संख्या चार लाख ५० हजार सात सय ८२ पुगेको छ।

महामारीबाट पछिल्लो समयमा भारतमा सबैभन्दा धेरै प्रभावित हुनेमा केरला प्रदेश रहेको छ। केरलामा मात्रै पछिल्लो २४ घन्टामा ८५ जनाको मृत्यु भएको छ भने १० हजार ६ सय ९१ जना संक्रमित भएका छन्।

भारतमा अहिले पनि संक्रमित अवस्थामै रहेकाहरूको संख्या दुई लाख २७ हजार तीन सय ४७ पुगेको छ। यो संख्या २०९ दिनपछिकै सबैभन्दा कम भएको मन्त्रालयले जनाएको छ। त्यसैगरी पछिल्लो एक दिनमा २१ हजार पाँच सय ६३ जना संक्रणमुक्त भएका छन्।