मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ कार्तिक ७ आइतबार
  • Sunday, 24 October, 2021
एजेन्सी काबुल
२०७८ भदौ २१ सोमबार १४:०५:००
Read Time : < 1 मिनेट
विश्व डिजिटल संस्करण

तालिवानको पुरानै रवैया : गोली हानी गर्भवती महिलाको हत्या

Read Time : < 1 मिनेट
एजेन्सी काबुल
२०७८ भदौ २१ सोमबार १४:०५:००

अफगानिस्तानमा तालिवान लडाकुले एक प्रान्तीय सहरमा गर्भवती महिलालाई गोली हानी हत्या गरेकाे बताइएको छ। घोर प्रान्तको राजधानी फिरोजकोहमा गर्भवती महिलालाई गोली हानी हत्या गरिएको प्रत्यक्षदर्शीलाई उद्धृत गर्दै बिबिसीले उल्लेख गरेको छ।

स्थानीय सञ्चारमाध्यमका अनुसार बानु नेगर नाम गरेकी महिलालाई गोली प्रहार गरेको हो। अफगानिस्तानमा महिलाहरूले अधिकारका लागि विभिन्न स्थानमा प्रदर्शन गरिरहँदा यो हत्याको यो खबर सार्वजनिक भएको हो। यो घटना सार्वजनिक भएपछि तालिवानको बोली र व्यवहार नमिलेको भन्दै आलोचना भइरहेको छ।

तालिवानले भने ती महिलाको मृत्युमा आफूहरूको संलग्नता नभएको बताउँदै यस विषयमा छानबिन गर्ने जनाएको छ।

तालिवानका प्रवक्ता जबिल्लाह मुजाहिनले बिबिसीसँग कुरा गर्दै भने, ‘हामी घटनाका विषयमा जानकार छौँ । म स्पष्ट पार्न चाहन्छु कि उनलाई तालिवानले मारेको होइन। हामी अनुसन्धान गरिरहेका छौँ ।’ अघिल्लो सरकारका लागि काम गरेकाहरूलाई तालिवानले आममाफी दिइसकेको बताउँदै उनले महिलाको घटनामा तालिवानको संलग्नता रहेको भन्ने कुरा अस्वीकार गरका हुन्।