- वि.सं २o८१ बैशाख २३ आइतबार
नेकपा माओवादी केन्द्रले नेताहरूको जिम्मेवारी बाँडफाँड गरेको छ । भदौ ५ र ६ गते बसेको स्थायी समिति बैठकको छलफलबाट नेताहरूको जिम्मेवारी बाँडफाँड भएको परिपत्र माओवादीले सार्वजनिक गरेको छ ।
माओवादीले पार्टीको प्रवक्ता पूर्वसभामुख कृष्णबहादुर महरालाई बनाएको छ भने संगठन विभागको प्रमुख जनार्दन शर्मा ‘प्रभाकर’ लाई बनाएको छ । त्यस्तै, स्कुल विभाग इन्चार्जको जिम्मेवारी प्रचण्ड आफैँले लिएका छन् भने प्रमुखमा गिरिराजमणि पोखरेल रहेका छन् ।
त्यस्तै, प्रदेश १ को इञ्चार्ज सुरेन्द्र कार्की (राम कार्की), प्रदेश २ को इञ्चार्ज गणेश साह, बागमती प्रदेशको इञ्चार्ज हितमान शाक्य, गण्डकी प्रदेशको इञ्चार्ज हितराज पाण्डे, लुम्बिनी प्रदेश इञ्चार्ज चक्रपाणि खनाल ‘बलदेव’, कर्णाली प्रदेश इञ्चार्ज शक्ति बस्नेत र सुदूरपश्चिम प्रदेश इञ्चार्जको जिम्मेवारी खगराज भट्टलाई दिइएको छ ।
