- वि.सं २o८१ जेठ १ मंगलबार
रामेछापमा आगलागीमा परी वृद्ध दम्पतीको मृत्यु भएको छ । उमाकुण्ड गाउँपालिका– २ वाम्ती लहरेटोलका मनोहर कार्कीको घरमा गएराति भएको आगलागीमा परी श्रीमान् र श्रीमतीको ज्यान गएको हो ।
राति करिब १२ बजे भएको आगलागीमा परी ७८ वर्षीय धनबहादुर कार्की र ६८ वर्षीया सीता कार्कीको घटनास्थलमा नै ज्यान गएको जिल्ला प्रहरी कार्यालय रामेछापका प्रहरी नायव उपरीक्षक नवराज ढुंगानाले जानकारी दिए ।
उनका अनुसार ढुंगामाटोले बनेको दुईतले घरमा राति अकस्मात आगलागी भएपछि छोरा ३५ वर्षीय मनोहर कार्की, उनकी श्रीमती ३२ वर्षीया कल्पना कार्की र ३ वर्षीया छोरी स्मारिका कार्की भने घरको ढोका फुटाएर हाम फालेर बाँच्न सफल भएको प्रहरी नायव उपरीक्षक ढुंगानाले बताए ।
के कारणले आगो लाग्यो भन्ने यकिन नभएको प्रहरीको भनाइ छ ।
