१८औँ वार्षिकोत्सव विशेषांकफ्रन्ट पेजमुख्य समाचारसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७७ मङ्सिर १७ बुधबार
  • Tuesday, 01 July, 2025
२o७७ मङ्सिर १७ बुधबार १३:३७:oo
Read Time : < 1 मिनेट
समाचार डिजिटल संस्करण

१ बजेका लागि बोलाइएको नेकपा सचिवालय बैठक सर्‍यो 

Read Time : < 1 मिनेट
नयाँ पत्रिका
२o७७ मङ्सिर १७ बुधबार १३:३७:oo

नेकपाको बुधबार दिउँसो १ बजेका लागि बोलाइएको सचिवालय बैठक सरेको छ।

मंगलबार बसेको सचिवालय बैठकले बुधबार दिउँसो १ बजेको लागि बैठक तय गरेको थियो। 

प्रवक्ता नारायणकाजी श्रेष्ठले नेताहरुको कार्यव्यस्तताका कारणले बैठक केही समय सरेको जानकारी दिए । उनले दिउँसाे २ बजेपछि बैठक बस्नसक्ने बताए।

‘नेताहरुको कार्यव्यस्थाको कारण दिउँसो १ बजेका लागि बोलाएको बैठक बस्न सकेन, अब २ बजेपछि बस्छ होला’, प्रवक्ता श्रेष्ठले भने, ‘बैठक नै स्थगित भएको वा सारेको भन्ने छैन ।’ 

मंगलबारकाे बैठकमा अध्यक्ष केपी ओलीले आफ्नो लिखित प्रस्ताव बहुमतबाट अस्वीकार हुने अवस्था आएपछि उनले आगामी बैठकमा उपस्थित नहुने सन्देश दिएका थिए ।

३८ पृष्ठ लामो प्रतिवेदनमा ओलीले अर्का अध्यक्ष पुष्पकमल दाहाल प्रचण्डको प्रतिवेदनलाई ‘पार्टीमा विग्रह निम्त्याउने कथित प्रस्ताव सचिवालय बैठकबाट खारेज गरौँ’ भन्ने प्रस्ताव गरेका थिए ।

तर, मंगलबारको बैठकले भने उनको माग अस्वीकार गर्दै ओली र प्रचण्ड दुवैको प्रस्तावमाथि छलफल अघि बढाएको छ । त्यस्तै, अध्यक्ष ओलीले सबै बैठक रोक्न माग गरे पनि सचिवालयले पूर्वनिर्धारित सूचीअनुसार १८ मंसिरमा स्थायी कमिटी र २५ मंसिरमा केन्द्रीय कमिटी बैठक अघि बढाउने निर्णय गरेकाे छ ।