नेपाल इन्भेष्टमेन्ट बैंक लिमिटेडले दुई नयाँ एक्सटेन्सन काउन्टर सञ्चालनमा ल्याएको छ । बैंकले भक्तपुरको सुकुलढोका र काठमाडौंको मच्छेगाउँमा एक्सटेन्सन काउन्टर सञ्चालनमा ल्याएको हो ।
सुकुलढोकाको काउन्टर बैंकका उपमहाप्रबन्धक विजेन्द्र सुवाल र मच्छेगाउँको काउन्टर चन्द्रागिरि नगरपालिका ९ नम्बर वडाका कार्यबाहक अध्यक्ष रामकृष्ण श्रेष्ठ र बैंकका बागमती प्रदेश प्रमुख बरुन श्रेष्ठले संयुक्त रूपमा उद्घाटन गरेको बैंकले जनाएको छ ।
थपिएका एक्सटेन्सन काउन्टरले स्थानीय मागलाई पूरा गर्न बैंकिङ सेवा दिने र वित्तीय पहुँच तथा वित्तीय साक्षरता विस्तार गर्ने बैंकले विश्वास व्यक्त गरेको छ । बैंकले ८३ शाखा, १ सय २५ एटिएम, १९ एक्सटेन्सन काउन्टर, १० राजस्व संकलन काउन्टर र ५६ शाखाविहीन बैंकिङ इकाइमार्फत सेवा दिइरहेको जनाएको छ ।