Read Time : < 1 मिनेट
२०७७ असोज १३ मंगलबार १६:३६:००
२४ घन्टाभित्र कोरोना संक्रमणबाट थप १० जनाको निधन भएको छ ।
निधन हुनेमा तीनजना महिला र सातजना पुरुष रहेको स्वास्थ्य तथा जनसंख्या मन्त्रालयले मंगलबार जनाएको छ ।
योसमेत देशभर कोरोना संक्रमणबाट निधन हुनेको संख्या चार सय ९१ पुगेको छ ।
निधन हुनेमा काठमाडौंका एक महिला र दुई पुरुष गरी तीनजना, बाँकेका एक महिला र दुई पुरुष गरी तीनजना छन् ।
त्यसैगरी मोरङ, महोत्तरी र चितवनमा एक–एक पुरुष र सर्लाहीकी एक महिलाको मृत्यु भएको मन्त्रालयका प्रवक्ता डा. जागेश्वर गौतमले बताए ।
