कोभिड अस्पतालमा उपचाररत ६५ वर्षीय पुरुषको मृत्यु, मृत्युपछि कोरोना पुष्टि
नारायणी अस्थायी कोभिड अस्पतालमा उपचाररत वीरगन्ज-३ छपकैयाका ६५ वर्षीय पुरुषको मृत्युु भएको छ । अस्पतालका डा. उदयनारायण सिंहका अनुसार शुक्रबार बिहान कोभिड अस्पतालको इमर्जेन्सी कक्षमा उनको मृत्यु भएको हो । बिहानै मृत्यु भए पनि उनको पिसिआर परीक्षण रिपोर्ट शुक्रबार साँझ आएको हो । रिर्पोटमा पोजेटिभ आएको डा. सिंहले बताए ।
मृतक विहीबार राती स्वास लिन गाह्रो भएपछि एडभान्स अस्पतालमा गए पनि अक्सिजन नपुगेपछि चिकित्सकहरूले नेशनल मेडिकल कलेज तथा शिक्षण अस्पताल लैजान सल्लाह दिएका थिए । मृतकका आफन्तका अनुसार एडभान्स अस्पतालबाट त्यहाँ लग्दा नेशनल मेडिकल कलेज तथा शिक्षण अस्पतालले भर्ना गर्न नमानेपछि कोभिड अस्पतालमा ल्याएका थिए ।
योसँगै पर्सामा कोरोना संक्रमणबाट मृत्यु हुनेको संख्या २० पुगेको छ । साउनमा मात्रै पर्सामा १६ जनाको मृत्यु भएको हो ।