नेपाल–भारत पारवहन तथा वाणिज्य सन्धि पुनरावलोकन गरी नेपाली वस्तुको निर्यातलाई सहज बनाइने भएको छ ।

सरकारको नीति तथा कार्यक्रम पढेर सुनाउँदै शुक्रबार विद्या भण्डारीले नेपाली वस्तुको निर्यातलाई जोड दिने सरकारको नीति रहेको बताइन् ।

त्यस्तै, बंगलादेश र भुटानसँग सौविध्यपूर्ण व्यापार सम्झाैता गरिने उल्लेख गरिएकाे छ । मित्रराष्ट्र चीनसँगको पारवहन सुविधाको उपभोग गरी चिनियाँ बन्दरगाहहरूबाट तेस्रो मुलुकसँगको व्यापार विस्तार गरिने भएको छ ।