Skip This
सम्पत्ति शुद्धीकरण मुद्दामा विशेष अदालतले व्यवसायी शेखर गोल्छासँग एक करोड धरौटी मागेको छ। विशेषका अध्यक्ष वासुदेव आचार्य तथा सदस्यहरू हेमन्त रावल र विदुर कोइरालाको इजलासले मंगलबार गोल्छालाई एक करोड धरौटी लिएर तारिखमा छोड्न आदेश दिएको हो।
गोल्छामाथि सरकारी स्वामित्वको नेपाल पुनर्बिमा कम्पनी (नेपाल रिइन्स्योरेन्स)को सेयर मूल्य कृत्रिम रूपमा बढाउन दीपक भट्ट र ब्रोकरका कार्यकारी प्रमुख सन्दीप चाचानबिचको मिलेमतोमा सहयोगी भूमिका खेलेको अभियोग छ।
‘पछि प्रमाण परीक्षण गर्दै जाँदा ठहरेबमोजिम हुने गरी हाल यी प्रतिवादी शेखर गोल्छाको भूमिका एवं संलग्नतासमेतलाई मध्यनजर गरी प्रस्तुत मुद्दा पुर्पक्षका लागि यी प्रतिवादी शेखर गोल्छाबाट नगद धरौटी एक करोड रुपैयाँ वा सोबराबरको बैंक जमानत लिई निजलाई तारिखमा राखी प्रस्तुत मुद्दा पुर्पक्ष गर्नू,’ आदेशमा भनिएको छ।
