- वि.सं २o८२ भदौ १९ बिहीबार
युरोपमा नेपाली वस्तुको निर्यात बढाउन तथा नेपालमा युरोपको लगानी भित्र्याउन दुई संस्थाले सहकार्य गर्ने भएका छन् । नेपाल निर्यातकर्ता उद्यमी महासंघ (फिन) र नेपाल–जर्मन उद्योग वाणिज्य संघ (एनजिसिसिआई)ले युरोपसँगको निर्यात–व्यापार वृद्धि तथा लगानी प्रवद्र्धनका क्षेत्रमा सहकार्य गर्ने भएका हुन् ।
नेपाल निर्यातकर्ता उद्यमी महासंघ (फिन) निर्यात क्षेत्रका उद्यमीहरूको छाता संगठन हो । आठवटा वस्तुगत संघ र व्यक्तिगत निर्यात उद्यमी आबद्ध निर्यात महासंघले नेपालको मौलिक उत्पादनको प्रवद्र्धन, निर्यातजन्य उत्पादनको उत्पादनशीलता वृद्धि, र विश्वव्यापी बजार पहुँच सुनिश्चित गर्न विभिन्न प्लाटफर्ममार्फत कार्य गर्दै आएको छ ।
नेपाल–जर्मन उद्योग वाणिज्य संघ (एनजिसिसिआई) एक गैरसरकारी संस्था, जसले जर्मनी–युरोपसँग व्यापारिक सम्बन्ध विस्तार गरी आर्थिक कूटनीतिकमार्फत निर्यात क्षेत्रको उत्थानमा ३५ वर्षअघि काम गर्दै आएको छ ।
