- वि.सं २o८२ भदौ १५ आइतबार
११ मेगावाटको माथिल्लो तादी खोला जलविद्युत् आयोजनाले व्यावसायिक उत्पादन सुरु गरेको छ । परियोजनाले गत साउन १२ गतेदेखि नियमित रूपमा राष्ट्रिय प्रसारण प्रणालीमा बिजुली आपूर्ति गर्दै आएको छ ।
अपि पावरको सूर्यकुण्ड हाइड्रो इलेक्ट्रिक लिमिटेडले नुवाकोट जिल्लाको दुप्चेश्वर गाउँपालिकामा उक्त परियोजना बनाएको थियो । आयोजनाले १८ असारमा निर्माण सम्पन्न गरी १५ दिन परीक्षण उत्पादन गरेको थियो । त्यो सफल भएपछि व्यावसायिक उत्पादन सुरु गेको हो । परियोजनाको बिजुली नुवाकोटको समुद्रटार सबस्टेसनमा स्विचयार्डमार्फत राष्ट्रिय ग्रिडमा आपूर्ति हुन थालेको हो ।
यो परियोजनाबाट वार्षिक ६१.३१९ गिगावाट घण्टा विद्युत् उत्पादन हुने अनुमान गरिएको छ । कम्पनीले साधारण सेयर (आइपिओ)समेत निष्कासन गर्न अघि बढाएको छ । यसको निवेदन अहिले नेपाल धितोपत्र बोर्डमा विचाराधीन छ । सूर्यकुण्ड हाइड्रो इलेक्ट्रिक लिमिटेडमा अपि पावर कम्पनी लिमिटेडको बहुमत सेयर लगानी रहेको छ । आयोजनाले ३ चैत ०६८ मा नेपाल विद्युत् प्राधिकरणसँग विद्युत् खरिद सम्झौता गरेको थियो ।
