- वि.सं २o८२ श्रावण १३ मंगलबार
हिमालयन शेर्पा क्लबले एन्फा यू–१६ युथ लिगमा सोमबार सातदोबाटो युथ क्लबविरुद्ध १–० को कठिन जित दर्ता गरेको छ । जितसँगै ९ खेलमा १४ अंक जोडेको हिमायन आठौँ स्थानमै छ ।
नौवटै खेलमा पराजित सातदोबाटो अंकविहीन छ । सातदोबाटोस्थित एन्फा मुख्यालय मैदानमा अभी राईले खेलको ४१औँ मिनेटमा एक मात्र निर्णायक गोल गरेका थिए । अर्को खेलमा मच्छिन्द्रले त्रिभुवन आर्मीमाथि ५–० को फराकिलो जित निकालेको छ ।
मनाङ मर्स्याङदीले जावलाखेललाई ३–१ ले हरायो । जितसँगै मनाङले ९ खेलमा २० अंक जोडेको छ । मनाङ लिगको तेस्रो स्थानमा उक्लिएको छ । जावलाखेल समान खेलबाट १० अंकका साथ नवौँ स्थानमा छ ।
मनाङको जितमा ईश्वर दमाईं परियार, सिओम श्रेष्ठ र साकिन कुँवरले गोल गरे । जावलाखेलका लागि पूजन सुनारले गोल फर्काए । खेलको ८९औँ मिनेटमा मनाङ १० खेलाडीमा सीमित भयो ।
