- वि.सं २o८१ माघ ३ बिहीबार
४६० दिन लामो युद्धपछि इजरायल र हमासबिच युद्धविरामको प्रक्रिया सुरु भएको छ। बुधबार युद्धविरामका लागि दुवै पक्ष सहमत भएका छन् । केही बन्दीहरू रिहा गरेर युद्धविरामलाई अघि बढाउन लागिएको अन्तर्राष्ट्रिय सञ्चारमाध्यमहरूले जनाएका छन्।
७ अक्टोबर २०२३ मा हमासले इजरायलमा आक्रमण गरेपछि दुई देशबिच युद्ध सुरु भएको थियो । सो आक्रमणमा एक हजार २१० जनाको मृत्यु भएको थियो। त्यसपछि इजरायलले निरन्तर गाजामा आक्रमण गर्दै आएको छ। जहाँ ४६ हजारभन्दा धेरैले ज्यान गुमाएका छन्।
हमासले इजरायलबाट ९४ जनालाई बन्दी बनाएको छ । जसमा नेपालका विपिन जोशीसमेत छन्। उनको अवस्था अज्ञात छ। युद्धविराम सुरु भएसँगै उनको रिहाइका लागि नेपाल सरकारले पनि पहल थालेको छ।
इजरायल-हमास युद्ध रोक्न केही दिनदेखि अमेरिका, कतार र इजिप्टले प्रयास गर्दै आएका थिए।
