- वि.सं Invalid date format
त्रिभुवन विश्वविद्यालयले २०५८ सालदेखिका परीक्षार्थीका लागि मौका परीक्षा सञ्चालन गर्ने भएको छ। शिक्षा विज्ञान तथा प्रविधिमन्त्री विद्या भट्टराईको आग्रहपछि त्रिविले मौका परीक्षा सञ्चालन गर्ने भएको हो ।
त्रिभुवन विश्वविद्यालय परीक्षा सुधार समितिका अध्यक्ष एवं शिक्षाध्यक्ष प्राध्यापक डाक्टर खड्ग केसीको अध्यक्षतामा समितिको २०८१ असोज ७ गते बसेको बैठकले मौका परीक्षाको व्यवस्था गर्ने निर्णय गरेको थियो ।
त्रिविले मानविकी तथा सामाजिक शास्त्र, व्यवस्थापन, शिक्षा, कानुन, विज्ञान तथा प्रविधि अध्ययन संस्थानका वि.सं. २०५८ साल देखिका वार्षिक प्रणालीअन्तर्गत र २०६९ सालदेखिका सेमेस्टर प्रणालीका विद्यार्थीका लागि एकपटक मौका परीक्षा सञ्चालन गर्नेछ ।
