- वि.सं Invalid date format
सप्तरीको बलान–बिहुल गाउँपालिका– ४ बेल्हीमा रहेको बलान नदीको पूर्वी तटबन्धमा कटान सुरु भएको छ । निरन्तरको वर्षाले बलान नदीमा पानीको सतह बढेपछि कटान सुरु भएको हो ।
दुई सय मिटरसम्मको लम्बाइमा कटान भएको पालिका अध्यक्ष खेमचन्द्र यादवले बताए। पालिका अध्यक्ष यादवका अनुसार बलान नदीको कटान लागेको स्थानमा सिँचाइ कार्यालयले दुई करोड ७० लाखको काम गरेको थियो । प्रभावकारी रूपमा काम नगरिँदा अहिले फेरि कटान भइरहेको उनले बताए ।
अहिले कटान भइरहेको स्थानमा तटबन्ध भत्किए सात सय परिवारको उठीवास हुने अध्यक्ष यादवले बताए। साेही स्थानमा तत्काल मर्मतस्वरूप बाँस हालेर बोरा हाल्ने तयारी गरिएको छ ।
