काठमाडौं महानगरपालिकाले महोत्तरी जिल्लाको मटिहानी नगरपालिका- ६ जरलहवा टोलका आगलागीपीडितलाई १० लाख सहयोग उपलब्ध गराउने निर्णय गरेको छ।
महानगर विपत् व्यवस्थापन समितिले विपतमा परेका व्यक्ति तथा परिवारको राहत तथा पुनर्स्थापनाका लागि सहयोग गर्ने निर्णय गरेको हो।
निर्णयबमोजिमको रकम आज नगरपालिकाको खातामा जम्मा हुने गरी पठाउने महानगरपालिकाको तयारी छ। जरलहवा टोलमा १२ वैशाखमा भएको ९१ वटा कच्ची घर र नाैवटा अर्धपक्की गरी सय घर जलेका छन्।