Skip This
उपप्रधानमन्त्री एवं परराष्ट्रमन्त्री नारायणकाजी श्रेष्ठ चीन भ्रमण पूरा गरी स्वदेश फर्किएका छन्।
सात दिनको भ्रमण पूरा गरी सोमबार बिहान स्वदेश फर्किएका उनीले त्रिभुवन अन्तर्राष्ट्रिय विमानस्थलमा आयोजित पत्रकार सम्मेलनमा भ्रमण सफल भएको प्रतिक्रिया दिए।
उनले दुई देशबीचको आपसी हित, आर्थिक विकास र समृद्धिका विषयमा भएकाे छलफल सकारात्मक भएको बताए। उनका अनुसार रसुवागढी, केरुलगायतका कोभिड महामारीका कारण बन्द भएका नेपाल–चीनबीच विद्यमान १४ वटा परम्परागत व्यापार सीमानाका यथाशीघ्र खोल्न चीन तयार भएको छ।
उपप्रधानमन्त्री श्रेष्ठ चिनियाँ विदेशमन्त्री वाङ यीको मैत्रीपूर्ण निमन्त्रणामा यही ११ चैतमा चीन भ्रमणमा गएका थिए।
