एनआइसी एसिया बैंकले कोशी प्रदेशमा आयोजना हुन गइरहेको ‘विराट गोल्डकप फुटबल’लाई मुख्य प्रायोजन गर्ने भएको छ ।
बैंकले मुख्य प्रायोजन गर्ने गरी आयोजक विराट गोल्डकप फुटबल ट्रस्टसँग सम्झौता गरेको हो । सम्झौतामा बैंकका ब्रान्डिङ एन्ड कर्पाेरेट कम्युनिकेसन प्रमुख सरोज भट्टराई र ट्रस्टका अध्यक्ष किशोरबहादुर शाहीले हस्ताक्षर गरेको जनाइएको छ ।
नेपाली जनमानसको मन–मनमा विशेष स्थान ओगटेको फुटबल खेललाई थप उचाइमा पुर्याउन यो सहकार्यले विशेष योगदान पुग्ने बैंकले विश्वास व्यक्त गरेको छ ।
बैंकले एकता, टिमवर्क र उत्कृष्टताको भावनालाई बढावा दिँदै आएको उल्लेख गरेको छ । यस्ता प्रतियोगितामा सहकार्य गरेर खेल जीवनलाई प्रवर्द्धन गर्ने मात्र नभई राष्ट्रियस्तरमा आफ्नो प्रतिभा प्रदर्शन गर्न लालायित युवा खेलाडीलाई उत्कृष्ट मञ्च प्रदान गर्ने लक्ष्य राखेको बैंकले जनाएको छ ।