१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख १० सोमबार
  • Monday, 22 April, 2024
तस्बिर : एएफपी
रासस किभ
२०८० माघ २६ शुक्रबार १६:१२:००
Read Time : < 1 मिनेट
विश्व डिजिटल संस्करण

रुससँगको बन्दी आदान–प्रदानमा सय युक्रेनी सुरक्षाकर्मी स्वदेश फर्के

Read Time : < 1 मिनेट
रासस, किभ
२०८० माघ २६ शुक्रबार १६:१२:००

रुससँगको नयाँ कैदी आदान–प्रदान प्रक्रियाअन्तर्गत सय युक्रेनी सुरक्षाकर्मी घर फर्केका युद्ध बन्दीहरूका उपचारको समन्वयका लागि स्थापित केन्द्रीय कार्यालयले जनाएको छ। 

स्वदेश फिर्ता गरिएकामध्ये ८० भन्दा बढी मारिउपुल सहर र अजोभस्टल स्टिल प्लान्ट संरक्षणका लागि लडेका सैनिक रहेका छन्।

यसबाहेक, डोनेट्स्क र लुहान्स्कको लडाइँमा भाग लिने सिपाहीलाई पनि बन्दी आदान–प्रदानअन्तर्गत रिहा गरिएको छ। मुक्त भएकामध्ये कम्तीमा २८ जना गम्भीर घाइते भएका र गम्भीर रोगबाट पीडित रहेका बताइएको छ।

युक्रेन र रुसबीच सन् २०२२ मार्चपछि ५१ पटक बन्दी आदान–प्रदान भएको र यसअन्तर्गत कुल तीन हजार एक सय ३५ युक्रेनीमध्ये धेरैलाई रिहा गरिएको छ।