खाना पकाउने क्रममा जलेर महिलाको मृत्यु

Read Time : < 1 मिनेट

दीपक बोहरा, दाङ

नयाँ पत्रिका

२o८१ जेठ ३ बिहीबार ११:१९:oo

दाङमा खाना पकाउने क्रममा कपडाबाट सल्केको आगोले जलेर तुलसीपुर उपमहानगरपालिका– ८ कटकुइयाँकी ४४ वर्षीया लक्ष्मी चौधरीको मृत्यु भएको छ।

इलाका प्रहरी कार्यालय तुलसीपुरका प्रवक्ता नवचन्द्र मल्लका अनुसार बिहीबार साँझ पौने ८ बजेतिर खाना पकाउने क्रममा बालेको दाउराको आगो कपडामा सल्किएपछि लक्ष्मीको मृत्यु भएको हो।

प्रहरीका अनुसार घरमा श्रीमान् र छोरा रहे पनि त्यो समयमा घरभन्दा बाहिर रहेको अवस्थामा लक्ष्मी जलेकी हुन्।

#दाङ