Skip This
युक्रेनी सेनाले आइतबार डोनेट्स्कको पश्चिममा रहेको बजारमा घातक तोप आक्रमण गर्दा कम्तीमा २७ जनाको मृत्यु हुनुका साथै २५ जना घाइते भएका स्थानीय सञ्चारमाध्यमले बताएका छन्।
युक्रेनी पक्षबाट एक सय ५२ एमएम क्यालिबर र एक सय ५५ एमएम क्यालिबरको गोला प्रहार गर्दा भिडभाड भएको बजारमा सो घटना घटेको रुसको तास समाचार एजेन्सीले डोनेट्स्कका स्थानीय अधिकारीहरूलाई उद्धृत गर्दै जनाएको छ। घाइतेमध्ये १८ जनालाई अस्पतालमा भर्ना गरिएको छ। जसमध्ये अधिकांशको अवस्था गम्भीर रहेको रुसको स्वास्थ्य मन्त्रालयले जनाएको छ।
संयुक्त राष्ट्रसंघका लागि रुसी नियोगले सोमबार सुरक्षा परिषद्को बैठकमा यस घटनाबारे छलफल गरिने घोषणा गरेको छ। रसियाली विदेश मन्त्रालयले संयुक्त राष्ट्रसंघका कार्यक्रमहरूमा पनि यो मुद्दा उठाउने योजना बनाएको छ, जहाँ रूसी विदेशमन्त्री सर्गेई लाभरोभ उपस्थित हुनेछन्।
