डडेल्धुराको पर्शुराम नगरपालिकाका मेयर भरत जोशीले जाजरकोट भूकम्पबाट पीडितका लागि व्यक्तिगत एक लाख रुपैयाँ सहयोग गर्ने घोषणा गरेका छन्।
भूकम्पमा परी जाजरकोट र रुकुमपश्चिममा भएको ठूलो मानवीय तथा भौतिक क्षतिप्रति दुःख व्यक्त गर्दै मेयर जोशीले सहयोगको घोषणा गरेका हुन्।
‘यस दुःखद घटनामा पीडित जनतालाई साथ दिन मैले नगरपालिकाबाट नियमानुसार पाउने सेवा सुविधा तथा व्यक्तिगत खर्च कटौती गरी सानो सहयोगस्वरूप रु एक लाख दिने प्रतिबद्धता व्यक्त गर्दछु,’ उनले भनेका छन्।
मेयर जोशीले यस दुःखको समयमा पर्शुरामका जनता जाजरकोटेली तथा पश्चिम रुकुमेली जनताको साथमा रहेको पनि उल्लेख गरेका छन्।