- वि.सं २o८o कार्तिक १४ मंगलबार
नेत्रावती डबजोङ गाउँपालिका–४ हजारेकी ७० वर्षीया सुकमाया गुरुङको हत्या आरोपमा पक्राउ परेका मंगल गुरुङलाई पूर्पक्षका लागि कारागार चलान गरिएको छ । धादिङ जिल्ला अदालतको थुनछेक आदेशले उनलाई पूर्पक्षका लागि कारागार पठाएको हो ।
जिल्ला प्रहरी कार्यालय धादिङका प्रहरी उपरीक्षक गौतम मिश्रका अनुसार १३ असोजमा गुरुङको टाउको, बायाँ गाला, अनुहार र गर्धनको बायाँ भाग तथा शरीरका विभिन्न भागमा धारिलो हरियार प्रहार गरी हत्या भएको थियो । हत्या स्वीकार गरेका गुरुङ सुकमायाका भतिज नाता पर्ने व्यक्ति हुन् ।
नेत्रावती डबजोङ गाँउपालिका–४ हजारेस्थित घरनजिकैबाट गोठमा लुकीछिपी बसेको अवस्थामा गुरुङलाई प्रहरीले पक्राउ गरेको थियो । गुरुङले धारिलो हतियार खुर्पा प्रहरा गरी सुकमायालाई कर्तव्य गरी मारेको स्वीकार गरेको एसपी मिश्रले बताए ।
