१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o जेठ १९ शुक्रबार
  • Sunday, 23 June, 2024
तस्बिर : रासस
२o८o जेठ १९ शुक्रबार २o:३८:oo
Read Time : < 1 मिनेट
ad
ad
ad
ad
समाचार डिजिटल संस्करण

प्रधानमन्त्री प्रचण्डद्वारा इन्दाेरस्थित फोहोर व्यवस्थापन केन्द्रको अवलोकन

Read Time : < 1 मिनेट
नयाँ पत्रिका
२o८o जेठ १९ शुक्रबार २o:३८:oo

भारत भ्रमणमा रहेका प्रधानमन्त्री पुष्पकमल दाहाल प्रचण्डले शुक्रबार भारतको मध्यप्रदेशको इन्दाेरमा रहेको फोहोर व्यवस्थापन केन्द्रकाे अवलोकन गरेका छन् । 

सो क्रममा इन्दाेर नगर निगमको प्रमुख कार्यकारी अधिकृत हर्षिका सिंहले फोहोर व्यवस्थापन प्रक्रियाबारे जानकारी गराएकी थिइन् । उनले स्रोतबाट नै ६ भागमा विभाजन गरेर फोहोरको व्यवस्थापन हुँदै आएको बताइन् । 

कुल एक अर्ब ५० करोड भारतीय रुपैयाँ लगानी रहेको सो केन्द्र सञ्चालनमा आएको एक वर्ष पुगेको छ । केन्द्रमा फोहोर व्यवस्थापनका लागि मासिक एक करोड १५ लाख भारतीय रुपैयाँ खर्च हुँदै आएको प्रमुख कार्यकारी अधिकृत सिंहले जानकारी दिइन् । 

सो केन्द्रले फोहोरलाई व्यवस्थित गरेर आम्दानीसमेत गर्दै आएको छ । केन्द्रले मासिक तीन करोड ७५ लाख भारतीय रुपैयाँ आम्दानी गर्ने उनको भनाइ छ । उक्त प्लान्टबाट ग्याससमेत उत्पादन हुँदै आएको छ । ती ग्यास इन्दोर सहरमा चल्ने सवारीसाधनमा प्रयोग गरिँदै आइएको छ । 

केन्द्रको अवलोकनपश्चात् प्रधानमन्त्री प्रचण्डले नेपालबाट प्राविधिहरू पठाई फोहोर व्यवस्थापनको सफल अभ्यासको अध्ययन गर्न लगाउने बताए । 

स्वच्छ भारत अभियानअन्तर्गत इन्दोर नगर निगमले फोहोर व्यवस्थापनमा गरेको काम विश्वमै नमुनायोग्य मानिन्छ । भारतीय प्रधानमन्त्री नरेन्द्र मोदीले आफू निर्वाचित भएपछि स्वच्छ भारत अभियान सुरु गरेका थिए । 

प्रधानमन्त्री प्रचण्ड केन्द्रको अवलोकन गर्न आज बिहान भारतको राजधानी नयाँदिल्लीबाट मध्यप्रदेशको इन्दोर पुगेका हुन् । इन्दोर विमानस्थलमा उनलाई मध्यप्रदेशका मुख्यमन्त्री शिवराजसिंह चौहानले स्वागत गरेका थिए । 

प्रधानमन्त्री प्रचण्डको सम्मानमा आजै मुख्यमन्त्री चौहानले रात्रिभोजको आयोजना गरेका छन् । प्रधानमन्त्री प्रचण्ड भोलि स्वदेश फर्कने कार्यक्रम छ । उनी भारतीय प्रधानमन्त्री नरेन्द्र मोदीको निमन्त्रणामा यही १७ जेठमा भारत भ्रमणमा गएका हुन् । रासस

ad
ad
ad
ad