पोखरा महानगरपालिका कार्यालयको टोलीले कास्की जिल्लास्तरीय ह्विलचेयर बास्केटबल प्रतियोगिताको उपाधि हात पारेको छ।
‘स्वास्थ्यका लागि खेलकुद, राष्ट्रका लागि खेलकुद, सबैका लागि खेलकुद’ भन्ने मूल नाराका साथ पोखरा महानगरपालिका– १५ को आयोजना तथा अपांगता सञ्जाल पोखरा– १५ को समन्वयमा भएको प्रतियोगितामा आइएनएफ हरियो खर्कको टोली दोस्रो र महिला मिथ एफसिआईको टोली तेस्रो भए।

विजेता टोलीले क्रमशः १० हजार, पाँच हजार र दुई हजार पाँच सय नगदका साथमा सिल्ड, मेडल र प्रमाणपत्र पुरस्कार पाए। विजयी टोलीलाई पोखरा महानगरका प्रमुख धनराज आचार्य, पोखरा– १५ का वडाध्यक्ष तोरणबहादुर बानियाँलगायतले पुरस्कार वितरण गरेका थिए।