सिटिजन लाइफ इन्स्योरेन्सले २४ चैतदेखि असार ०८० सम्म जीवन बिमा जागरण अभियानअन्तर्गत सुनौलो सय दिन कार्यक्रमको सुरुवात गरेको छ । पूरै देश आर्थिक तरलता संकटबाट गुज्रिरहेको चुनौतीपूर्ण समयलाई अवसरमा परिवर्तन गर्ने उद्देश्यका साथ अभियानको आयोजना गरेको कम्पनीले जनाएको छ ।
बुटवल क्षेत्रमा आयोजना गरिएको एक कार्यक्रमबीच सिटिजन लाइफ इन्स्योरेन्सका प्रमुख कार्यकारी अधिकृत पोषकराज पौडेललगायतले अभियानको उद्घाटन गरेका छन् । सिटिजन लाइफ इन्स्योरेन्स कम्पनीका ब्रान्ड एम्बासडर महजोडीसँग सहकार्य गर्दै यस अभियानलाई सम्पन्न गर्ने कम्पनीले जनाएको छ ।
आममानिससम्म बिमाको पहुँच पुर्याउनुका साथै रोजगारीको अवसरको चेतना विकास गर्दै, विभिन्न स्थानीय तहमा व्यावसायिक अभिकर्ता निर्माण गर्ने अभियानको उद्देश्य रहेको सिइओ पौडेलले बताए ।