- वि.सं Invalid date format
विभागीय टिम त्रिभुवन आर्मी क्लबले सहिद स्मारक ए डिभिजन लिगको जारी सिजनमा पहिलो हार व्यहोरेको छ।
च्यासल मैदानमा आज भएको खेलमा अर्को विभागीय टिम एपिएफ क्लबसँग आर्मी १–० ले पराजित भएको हो।
एपिएफको जितमा मणि लामाको एक मात्र गोल निर्णायक बन्यो। मणिले खेलको ३७औँ मिनेटमा गरेको आकर्षक गोलको मद्दतले एपिएफले महत्वपूर्ण तीन अंक हासिल गर्यो। एपिएफका लागि जारी सिजनमा मणिको यो दोस्रो गोल थियो।
आजको जितसँगै एफिएफ चार खेलबाट सात अंकसहित तालिकाको तेस्रो स्थानमा उक्लिएको छ। आर्मीको भने चार खेलबाट पाँच अंक छ। आज रोकिएपछि आर्मी लिगको सातौँ स्थानमा झरेको छ।
